Du liggst so stolt, so schmuck un riek,
dor an de Waterkant.
Dien golden Ring, dat is de Diek,
dien Kleed dat gröne Land;
keen bäter Land is unnern Heben:
Hurra Butjarland, du schast leben!
Hurra Butjarland!
Dien Pär un Keuh gaht
där de Welt,
dien Schäpen wiet un siet.
Von männig stolten, starken Held
Vertellt de ole Tiet;
Keem' Graf un Bischop ok is faken,
se kunnen di doch all nicks maken!
Hurra Butjarland!
Dien Deerns hefft Ogen
blau un klar,
un Rosen up de Back,
se hewt dat moje gäle Haar,
de Schelm sitt ähr in'n Nack,
so wär dat all in ole Tieden:
Butjenter Deerns mag jeder lieden!
Hurra Butjarland!
Dien Jungens de sünd
risch un stolt,
un jeder steiht sien Mann;
se staht just as een
Boom int Holt
und seggt: Faht mi nich an!
Se haut dor up, as wär't
old Isen -
just as de olen freen Friesen!
Hurra Butjarland!
Wenn't Water hen na See
to geiht,
wenn abends de Tormklock klingt -
wenn't ruschelt dör dat hohe Reit,
un wenn de Lauerk singt,
dann singt un klingt dat unnern Heben:
Hurra Butjarland, Du schast leben!
Hurra Butjarland!